Teks MC Idul Fitri Bahasa Sunda

 

Oleh: Rahman Abdullah

Assalamualaikum, wr. wb

Anu ku simkuring dipihormat para Alim Ulama, para Ustad, oge anu ku simkuring

dipihormat Bapa Kepala Dusun Harjamukti sinareng perangkatna, Ketua DKM Masjid

Attaqwa sareng perangkatna, oge para wargi sadaya hadirin jamaah sholat riyaya idul fitri

anu sami ku simkuring dipihormat.

Langkung ti payun hanya urang sami-sami panjatkeun puji sinareng syukur ka Alloh

SWT, anu mana kalayan rahmat sareng karuniana urang sadaya tiasa kempel ngariung,

paamprok jonghok, patepang raray dina raraga ngalaksanakeun sholat riyaya idul fitri

berjamaah, kalayan dina kaayaan sehat walafiat.

Solawat miwah salam mugia salamina ngalimpah ruah ka junjunan urang sadaya

Habibana Wanabiyana Muhammad SAW”, ka para kulawargina, ka para Sohabatna, ka para

tabiin tabiatna oge teu ka kantun ka urang sadaya salaku umatna anu Insya Allah kenging

syafaat ti mantenna di yaumil qiyamah. Amin ya Allah Yarobbal a’lamin.

Hadirin jamaah sholat idul fitri masjid raya attaqwa. Hapunten sateuacana simkuring

nyuhunkeun widi, salaku pangjajap acara. Bade maoskeun sababaraha mata acara anu baris di

laksanakeun dina raraga sholat idul fitri ieu.

Acara anu ka hiji nyaeta Bubuka ku Maoskeun Ayat suci Al-Qur’an sareng solawat

Acara Anu kadua nyaeta Prakata ti panitia

Acara Anu katilu nyaeta sambutan ti Kepala dusun Harjamukti

Teras anu kaopat nyaeta acara inti solat riyaya idul fitri.

Supados teu nyangkolong kana waktos, hayu urang buka acara ieu ku maosken

Basmallah sasarengan....... diteraskeun ku maosken ayat suci Al-Quran sareng solawat anu

bade di aoskeun ku petugas.....ka petugas waktos sinareng tempat disumanggakeun.

Hatur nuhun ka petugas anu parantos maoskeun ayat suci Al-Quran sareng solawat,

pamudah-mudahan urang sadaya kenging rahmat ti Gusti Alloh SWT.

Para hadirin jamaah solat idul fitri masjid raya Attaqwa, rengse acara anu kahiji,

mangga urang teraskeun kana acara anu kadua nyaeta Prakata ti panitia, ka Bapa ketua DKM

Masjid Attaqwa, waktos sinareng tempat disumanggakeun.

Hatur nuhun ka Bapa ketua DKM masjid Attaqwa anu parantos masihan prakata

sareng laporana, pamudah-mudahan urang sadaya kenging manfaatna, Amin!

Rengse acara anu kadua mangga urang teraskeun kana acara anu katilu nyaeta

sambutan ti Kepala Dusun Harjamukti, ka Bapa Kepala Dusun Harjamukti, waktos sinareng

tempat di sumanggakeun.

Hatur nuhun ka Bapa Kepala Dusun anu parantos masihan sambutana, pamudah-

mudahan urang sadaya kenging mangfaatna, Amin!

Para hadirin jamaah solat idul fitri masjid raya Attaqwa, rengse acara anu katilu,

mangga urang teraskeun kana acara anu kaopat, nyaeta acara inti sholat riyaya idul fitri

berjamaah. Dina kesempetan idul fitri anu ayeuna, Anu bertugas janten Khotib sareng Imam

kersana Bapa Ustadz Nurkholis, sareng anu bertugas janten Muroqi kersana Ustadz Ihsan.

Allhamdulilah parantos dugi kana acara inti, Simkuring salaku pangjajap acara

nyuhunkeun dihapunten tina samudaya kakirangan sareng kalepatan. Oge teu hilap, engke

sarengsena solat idul fitri berjamaah, diharepkeun kasadayana jamaah, supaya tiasa

ngalaksanakeun mushofahah sasarengan. Ka uninga ku urang sadaya, dua tahun kapengker

urang sadayana kirang tiasa bebas dina ngalaksanakeun ibadah anu ngahadirkeun jamaah anu

seer. Ku kituna, ayeuna urang sadayana mulai kembali ka situasi anu normal, sebagai bentuk

rasa syukur urang sadaya ka Gusti Alloh SWT sareng usaha urang kangge ningkatkeun tali

duduluran jeung sasama, ku kituna engke sarengsena solat idul fitri, para jamaah tiasa

ngalaksanakeun mushofahah sasarengan.

Hatur nuhun tina sagala perhatosanana. Simkuring salaku pangjajap acara pamit

undur diri…

Nyuhunkeun dihapunten lahir sinareng bathin, akhirul kalam, Wallohul Muwafiq ilaa

Aqwaamitthoriq. Wassalamualaikum, wr.wb.